Նարնջիկ-001
Ռոբին Մեգն այստեղ անցկացրած քսանմեկ ժամվա ընթացքում շատ բան չէր կարող նկատել:Նրան ազդանշան էր ուղարկոմ իր տիեզերակայանը` հիշեցնելով իր առաքելության մասին:Ռոբին Մեգը գնաց:
Նարնջիկ անունն ստացած մոլորակը գաղտնիք ուներ:Նարնջագույն լեռան ստորոտում ապրում էր մի փոքրիկ արարած, որը նարնջագույն չէր, այլ` դեղին:Նա ոչ թե ցանկանում էր տարբերվել ուրիշներից, այլ չէր ցանկանում նման լինել բոլորին:Դա մի դեղին շուշան էր` իր ապակյա թիթեղիկներով, ոսկեգույն ցողունով:Շուշանը համոզված էր, որ իր արմատները նույնպես դեղին են, որ ինքը կարողացել է հաղթահարել համատարած դեղինը:
Ոչ, Ռոբին Մեգն այլևս չայցելեց Նարնջիկ-001, բայց կատարվեց մի բան, որը փոխեց ամեն ինչ:
Երեսուն տարին մեկ Նարնջիկն ու Երկիր մոլորակը հանդիպում են միմյանց` հայտնվելով նույն ուղեծրում:Այդ օրը նրանք այնքան մոտ են լինում, որ Դեղին շուշանը հասցնում է երազել` կապտականաչ մոլորակին նայել:Շուշանը գիտեր, որ այնտեղ հետաքրքիր է, բայց պոկվել չէր կարող իր ստորոտից:
Այս անգամ ևս Նարնջիկն ու Երկիրը հայտնվեցին կողք կողքի:Շուշանը խորը սեղմեց իր արմատները և աղաչեց տիեզերքին` օգնել իրեն:
…Ահռելի դղրդյունը ցնցեց Երկիրը:Ծովն ալեկոծվեց, և Նարնջիկը հայտնվեց մի ամայի անապատում, ապա գլորվեց, գլորվեց, մինչև հասավ օազիսին:Շուշանը վախվորած բացեց աչքերը:Նա հասել էր իր երազանքին.հայտնվել էր այնտեղ, ուր միապաղաղ չէր, այլ յուրաքանչյուրն ուներ իր տեղն ու դերը:
Շուշանը զննեց ինքն իրեն.դեղին էր, կարծես` ոսկեձույլ:Իր մոլորակը նարնջագույն էր առաջվա պես, բայց Երկրի վրա դեռ որքա~ն գույներ պիտի բացահայտվեին:
Հասմիկ Դեբենց
Comments
Post a Comment
Ի՞նչ կա քո մտքում ...