Ապագան տարբեր է բոլոր ուսանողների համար։ ԹՈՒՄՈ-ն, իհարկե, իր հետքը թողնում է | ԹՈՒՄՈ

ԳրաԳիտի հյուրը  ԹՈՒՄՈ-ն  է։

֊Ի՞նչ  է  ԹՈՒՄՈ-ն։

ԹՈՒՄՈ֊ն Ստեղծարար Տեխնոլոգիաների Կենտրոն է, ուր կարող են այցելել տասներկու տարին լրացած բոլոր պատանիները։ Այն անվճար է բոլորի համար։

֊Ե՞րբ  է այն  ստեղծվել։

ԹՈՒՄՈ կենտրոնը բացվել է Երևանում 2011 թվականին։ Հետագայում ԹՈՒՄՈ֊ն ընդլայնվել է՝ բացելով նոր կենտրոններ Գյումրիում, Դիլիջանում, Ստեփանակերտում և արտերկրում։

֊Քանի՞  երեխա  է  մինչ  օրս  սովորել  ԹՈՒՄՈ֊ում։

Ավելի քան 30,000 ուսանող սովորել է կենտրոնում բացման օրվանից։ Ներկայումս մոտ 19,000 ուսանող կա։

֊Ինչպե՞ս  կարող  է  երեխան  դառնալ  ԹՈՒՄՈ-ցի,  պե՞տք  է  քննություն  հանձնել  կամ  վարձավճար  տալ  ուսման  համար։

Տասներկու տարեկանը լրանալու պահից յուրաքանչյուր պատանի կարող է ընդունվել ԹՈՒՄՈ։ Չկա որևէ նախապայման ընդունվելու համար, և այն բացարձակ անվճար է։

֊Հիմնականում  ո՞ր  բաժիններում  են  ԹՈՒՄՈ֊ուսանողները  ավելի  մեծ  ակտիվություն  ցուցաբերում։

ԹՈՒՄՈ֊ի բոլոր 14 ուղղություններում էլ կա ակտիվություն։ Չկա մեկը, որ կարելի է առանձնացնել որպես առավել ակտիվ կամ պասիվ։ 

֊ԹՈՒՄՈ֊ի  գլխավոր  առանձնահատկությունը․․․

Իմ կարծիքով, ԹՈՒՄՈ֊ն այն եզակի կենտրոնն է, որ ճիշտ ժամանակին և ճիշտ երկրում սկսեց իր գործունեությունը։ Հենց դրանով էլ առանձնանում է կենտրոնը, որպես ժամանակից առաջ ընկնող և ճիշտ գաղափարներ առաջարկող։

֊Ինչպիսի՞  ապագա  են  ունենում  առհասարակ  ԹՈՒՄՈ֊ուսանողները։Շարունակու՞մ  են  նրանք  իրենց  ընտրած  բաժիններից  որևէ  մեկը  որպես  մասնագիտություն,  թե՝  ոչ։

Ապագան տարբեր է բոլոր ուսանողների համար։ ԹՈՒՄՈ֊ն, իհարկե, իր հետքը թողնում է։) 

֊ԹՈՒՄՈ֊Camp-ը  այս  տարի  անց  է  կացվել  օնլայն։Հնարավո՞ր  է  եղել  լիարժեքորեն  ապահովել  նախորդ  տարիներին  անցկացված  ԹՈՒՄՈ֊Camp-երի  հնարավորությունները։

Լիարժեք ապահովել այն, ինչ նախորդ տարիներին կատարվել է ԹՈՒՄՈ Ճամբարի ընթացքում, ԹՈՒՄՈ Կենտրոնում ֆիզիկապես իրար կողք գտնվելով, անհնար է։) Իրականում, նպատակ էլ չունեինք այդպես անելու։ Առցանց Ճամբարի համար գծել ենք նոր ծրագիր և մշակել ենք նոր գաղափարներ, որոնք երբևէ չենք կիրառել նախորդ տարիներին։ Այս ամենի հետ մեկտեղ, մեզ բավականին լավ հաջողվել է կազմակերպել առցանց տարբերակը՝ դասընթացներով և ազատ ժամանցով հանդերձ։

֊Քանի՞  երեխա  է  այս  տարի  մասնակցել  օնլայն  ճամբարին։

86 պատանի մասնակցեց ԹՈՒՄՈ Առցանց Ճամբարին 2020թ֊ին։ 

֊Կենտրոնը  կոչվում  է՝  «ԹՈՒՄՈ  ստեղծարար  նորարարների  կենտրոն»։Ինչու՞  հենց  ստեղծարար,  այլ՝  ոչ,  ասենք,  խելացի։

Այն կոչվում է «ԹՈՒՄՈ Ստեղծարար Տեխնոլոգիաների Կենտրոն»։ Ուսուցանվող բոլոր ուղղություններում կա ստեղծարար մաս, ամեն ոլորտ ունի իր ստեղծագործական հատվածը։

Շնորհակալություն,  ԳրաԹևը  ուրախ  էր  Ձեզ  հյուրընկալելու  համար։

ԹՈՒՄՈ֊ի պաշտոնական կայքէջը֊https://tumo.org/

ԹՈՒՄՈ֊ի  պաշտոնական  ֆեյսբուքյան  էջը֊https://www.facebook.com/tumocenter/

ԹՈՒՄՈ֊ի  պաշտոնական  ինստագրամյան  էջը֊https://www.instagram.com/tumocenter/